Sa turre

Bator o chimbe pitzocos si disponent in tundu, ponende sas concas afaca e poderande.si unu cun s’ateru cun sos bratzos.

A custu puntu, àteros tres pitzocos nche pigant a subra de custa ‘base’, disponende.si in sa matessi manera e faghende issos puru de ‘base’ a s’ùrtimu pitzocu chi nche devet pigare a subra e chircare de abarrare in ecuilìbriu subra sa turre.

Est unu giogu de abilidade e de ‘ischina’, comente si narat.

Custu puru est unu giogu fatu dae sos òmines.
Si giogat in duas iscuadras de tres pitzocos ognuna, e si tirat a sorte su chi devet brincare e su chi devet istare suta.

Sos giogadores chi istant suta si disponent in tundu, ponende sas concas afaca e poderande.si unu cun s’ateru cun sos bratzos.

Sos chi devent sartiare, a turnu, issèberant a unu giogadore de s’àtera iscuadra e lu brincant narende su nùmene, pro esèmpiu: “Sedda mia Antiogu!”.

A pustis chi unu at brincadu, nche devet calare reu. Si su giogadore isballat, si invertint sos ruolos.

Sentinella longa

Pro giogare a custu giogu tocaiat a èssere in meda.

Si faghiat sa conta e si isseberaiat su pitzinnu chi deviat comintzare su giogu.

Sos àteros si sistemaiant in una filera, e si incurbaiant cun sas manos apogiàdas a sos ghenugros.

Su primu deviat brincare a unu a unu totu sos cumpangios e, arribadu a sa fine, si deviat pònnere in positzione issu puru pro si fàghere brincare dae sos àteros.