Pàzina Base

Su giogu in s'istòria

Sa Sardigna


Sos pitzinnos in su mundu de eris

Giogos antigos


Giogos de abilidade


Contos



Giogos

Sa pipia de canna

Si nde segat unu bucone de canna subitu subra su nodu, a manera chi adduret serradu dae su velu naturale. A s’atera parte si nde segat subitu suta su nodu, pro poder tènnere totu su boidu. Si faghent duas aberturas dae una parte a s’àtera de sa canna, si bi colant duos ‘bratzos’ fatos de istratzu e si cosint cun duos puntos de filu. Posca si faghet su bistire, chi rapresentat su costùmene traditzionale.


Sa pipia de istratzu

Si la faghiant sos pitzinnos cun iscàmpulos de roba chi non serbiant prus. Da duos iscàmpulos si faghiant duos tzilindros de divressa artaria e si cosint comente una rughe, pro fagher su carenadu e sos bratzos de sa pipia. Posca si nche cosint a sa conca sos pilos fatos de lana o de sa ‘barba’ de su trigu moriscu, si pintant in sa cara sos ogros e sa bucca e si preparant sos bistireddos (ogni pitzinna los faghet a gustu suo).

Su carru de fèrula

Fiat cumpostu de tres partes:
  1. S’asse cun sas rodas;
  2. S'iscala, chi fiat su pranu a forma de triangulu, cun su vèrtitze chi format su 'timone'. A igue si prendent sos boes. Pro fàghere custa parte a sos pitzinnos lis bastaiat de ispacare sa fèrula e de bi pònnere, pro poderare s'ispacadura, traversinas semper de fèrula;
  3. Sas costazeras, chi si poniant a costazu de s’iscala, lassende lìberos su ‘timone’ e sa coa.
Parte importante de su carru est sa ‘mecanica’, chi est un’ispetzie de frenu, una leva chi ispinghet subra sa roda.

Paris cun su carru sos pitzinnos faghiant fintzas su giuu, fatu de linna, e sos boes fatos de fèrula.






Su cadditu de canna

Fiat fatu cun una canna chi portaiat in artu una ‘conca’. A sa canna chi serbit pro fagher sa conca si li ispacat sa parte arta pro li fagher sas origras e posca si li ponet una fune pro ‘brillia’.