SU PANE CARASAU

Su pane est s’elementu basilare de sa cultura gastronòmica de sa Sardigna. Comente in totu sas tzivilidades agro-pastorales tenet non petzi balore alimentare ma est finas sìmbulu positivu de prosperidade. Sunt sas fèminas chi lu faghent, rispetende rituales traditzionales. In su coro geogràficu de sa Sardigna naschet unu pane particulare a beru, su pane carasadu, pane de sos pastores. Sos pastores sardos, difatis, tenent bisonzu de unu pane chi podat durare tempus meda (ca non ghiraiant dae cuile cada die) e su carasadu, fatu dae duas fresas cotas duas bias (cotas e carasadas), durat finas paritzos meses in sa bèrtula.