Una parte importante meda de sa musica sarda sunt son coros.
Ant acumpanzadu dae pestempus sas funtziones religiosas e si sunt acurtziados como pacu tempus a sa musica nemas profana.
Sa manera de cantare de sos coros est assimitzante meda a sa de su tenore finas si cambiat carchi cosa in su bassu e in sa contra.
Su cantu de sos coros est duncas a bator boghes:
su bassu
sa contra
sa mesu boghe
sa boghe
chi in limbagiu prus tècnicu diant esser
bassos
barìtonos
tenores primos
tenores segundos
Sas primas espressiones de custa manera de cantare las amus in sas cunfrarias chi in s'annu litùrgicu acumpanzaiant sas funtziones sas prus particulares che a sas de chida santa.
E si sas cunfrarias bi fiant belle che in onzi bidda sa manera de cantare in coro s'est irmannita meda in totu sa Barbagia e mescamente in Nùgoro cantu chi custa manera de cantare si narat finas a sa Nugoresa.
Dae su coro su Nugoresu a su coro Barbagia, finas a Sos Canarjos e a sos "Amici del folklore" in Nùgoro
e àteros in totu sa provìntzia sunt medachi cantan a sa Nugoresa e sa manera s'est difunnende in àteras provìntzias puru.
Sos repertorios si sunt irmannidos, como si cantant puru cantones chi non sient de crèsia cun armonizatziones chi carcunu at criticadu ponende a pare sos coros nugoresos cun sos coros alpinos e mustrende de non cumprenner chi sa parte de sa contra e de su bassu est diferente meda.
Mancari gai sa bellesa de sos cantos de sos coros est bantu de sa Sardigna intrea e allegrant sas festas de cada bidda.
Coro Barbagia
