est nàschidu in s'Alighera su 21 de ghennàrgiu de su 1961.

In su 1987 intrat in su mundu de sa moda, sena aer frecuentadu un'iscola apòsita. Isse at semper traballadu in sa butega de roba de su babu e custu li at permìtidu de isvilupare una sensibilidade particulare e una passione manna pro sos tessutos. Sunt custas calidades suas chi cumbinchent un'impresàriu de Roma a lu incarrigare de creare sa prima culletzione sua de pret -à-porter. Su debutu in s'Arta Moda b'est in su 1996. Custa data marcat s'incumintzu de una sèrie de biazos in sa traditzione e in sos amentos culletivos: sas fèminas chi emigrant in Argentina, sas fèminas de miniera o sas creaduras de su Medioevo. Sunt culletziones narrativas, cun sensos simbòlicos e cun unu gustu de su cuntrastu: brujaduras subra de sos tessutos pretziosos, garzas, ricamos e orus a vista e brocados.
In su 1999 presentat sa prima culletzione de pret-à-porte cun su nùmene suo, ue s'agatant totu sos temas de sa chirca sua, comente sa sedutzione de su biàgiu e de s'addòviu cun àteras culturas, sa memòria e s'impreu de tessutos comente tràmite pro torrare a su connotu. Sunt totu temas chi benint isvilupados in su "Laboratòriu", pròpiu un'aposentu segretu de sa creatividade, ue agatamus una lìnea produta in sèrie limitada, cun bestires chi no ant a esser mai auguales, ca non tenent sèrie.
In su 2002, durante su Pitti Uomo de Firenze, presentat sa prima culletzione maschile, chi dae su mese de ghennàrgiu de su 2003, isfilat in Milano durante sa chida de sa moda. In su mese de cabudanni de su 2003 su grupu francesu LVMH li at dadu sa diretzione artìstica de sa lìnea de fèmina de Kenzo.
Mancari su traballu suo lu fagat biazare meda, Antonio Marras at detzisu de non dassare sa Sardigna. Difatis bivet semper in s'Alighera in domo-laboratòriu, paris cun sa famìlia sua chi l'azuat meda in su traballu creativu.



FOTOS......               

   
                         


                                             
                          Antonio Marras pro Kenzo                               Antonio Marras pro Kenzo

                                            
                     Antonio Marras pro Emergency                                        Bestire de òmine
                   



torra a sa prima pàgina