durches de sas zerimonias

DURCHES

DE SAS ZERIMONIAS

Sas zerimonias (battizos, isposonzos, etz,) sunt ocasiones importantes meda pro istare paris intre amigos e parentes e pro colare una die diferente, in allegria. Sos durches, simbulu de prosperidade e de felizidade, chi cun sas formas particulares e cun sos colores azesos, dant un'azudu mannu a fàghere in modu chi custas dies siant ispeziales a beru!!!

bistocos de onni zenia, difusos in totus sas partes de sa Sardigna, chi si cumbidant cun su cafè in domo, in sas festas, in sos isposonzos, ecc.;
amaretos;
germinos o bianchinos;
sospiros o guelfos;
seadas: in antis si faghiat petzi cando si teniat s'elementu printzipale: su casu friscu. Custu benit postu subre de unu cantu de pasta traballada cun s'ozu porchinu (violada) e frissa in s'ozu buddidu. Cando est pronta, li si ponet subra o tzùcaru o mele. Oe sa seada si màndigat de frecuente a fine pastu, comente unu durche.

culurzones de mèndula ;
Sa pompia assimizat a unu pompelmu: mannu (podet arribare a pesare finas a 700 gramos), de colore grogu, a s’ispissu deforme, unu pagu pistadu a sos capos, cun sa cortza grussa. Custa antiga frùtora creschet petzi in Sardigna: pagas deghinas de prantas in Baronia, a Thiniscole in manera particolare. Sa pompia non si mandigat frisca: sa purpa e su sutzu sunt agros a beru, meda de prus chi su limone. A zughere finas a oe sa coltivazione est istada sa traditzione durcària thiniscolesa: in annos colados sos durches de pompia fatos in domo dae sas fèminas fiant prenziados meda: unu regalu pretziosu dae cumbidare a su dutore, a su notàiu, a su testimòngiu de s’isposontzu o su nonnu de batìsimu. Custos durches tenent tempos de traballu longos a beru: a su nessi 6 oras, dae cando si ratat sa cortza e si torghet sa purpa agra meda, chirchende de non segare s’arvu. Su resurtadu est unu cuntenidore bòidu chi in antis benit buddidu e a pustis amuntadu de mele e postu in una tèllia a buddire galu pro àteras 3 oras. Duncas si lassat infritare, custa si mutit “pompia intrea”. Unos cantos prenat sa pompia de mèndula: “sa pompia prena”. Cun sa pompia candita, a cantos, si faghet finas s’arantzada: cantos de pompia, mèndula, galu mele e cunfetos colorados, “sa trezea”, servida cun fògias de arantzu. Si podet finas fàghere licores.

catò;
pane de saba.

torra a sa prima pàgina