DURCHES
DE PASCA DE ABRILE
In guasi totu sa Sardigna, sa Pasca de Abrile risentit meda a beru de sas traditziones ispagnolas, retazu de una dominatzione longa, mescamente in sos ritos de sa Chida Santa: forte est su sentimentu de dolore e de piedade pro sa sorte de su Cristu. In logos medas s'amentat totu sa passione sua: incravamentu, iscravamentu, incontru de s'Anghelu cun Maria, cun rapresentatziones sacras e protzessiones in ue s'intendet meda sa fede de sa zente. Ma, pro fàghere contrastu cun s'atmosfera de morte e de dolore, sa Cuarèsima bidet sa realitzaziones de durches chi, pro sa fatura e pro sos colores, si accòsiant meda a operas d'arte.
In sas domos de sas biddas si preparant pastas de milli tipos, friàbiles e finas e impastos particulares fatos de mele, saba, mèndula,etc; in sas vetrinas de sas pasticerias si amirant durches apetitosos de fatura ispantosa, chi atirant non solu sa bucca ma finas sos ogros: tilicas (o tiricas, o fraones), casadinas salidas e durches, àligu (impastu de pistiddu, mendula, cortza de arantzu e limone, segadu in forma romboidale e posti intre a duas fozas de limone), origlietas,