DE
CARRASEGARE
Sa festa de Carrasegare est intesa meda in sa Sardigna, mescamente in unas cantas zonas, ue isetant cussas dies pro si caratzare, ballare e ismentigare sos afannos de totu s'annu: est usantzia chi sa zente mascarada andet in sas domos a dare anneu a sos meres e a pedire cumbidu de binu e de durches.
Sos durches chi, pagu prus o mancu, si faghent in sa zona chi amus leadu in cunsideru sunt: sa pasta violada (bìcculos de pasta frissa de formas diversas, sas catas ( chi, si narat, in sa forma longa amentant sas funes de sos issohadores, màscaras traditzionales sardas) e sos pirichitos. In prus, comente in medas partes non solu de sa Sardigna ma de s'Itàlia, si faghent finas sos "fatti fritti", chi però non sunt caraterìsticos de sa traditzione nostra.