:
3 kg. de zichi
9 ovos
25 gr. de madrighe de birra
2 limones
½ taza de aba ardente
late cantu bastat.
Impastare
sa farina cun sos ovos e unu pagu de aba; azùnghere su suzzu e sas
corzas de sos limones, s'aba ardente e una pizzigada de sale.
Traballare bene meda (comente sa pasta pro su pane) finas a cando diventat lìsia. Azùnghere sa madrighe iscazada bene in su late tèbiu e in
finis s'àteru late, a pagu a pagu. S'impastu devet resurtare
modde e calare bene intre unu imbudu. Fàghere pasare finas a cando in sa pasta
non essit carchi ampudda minore.
Pònnere a iscardire bastante ozu de
olia in su fogu crispu; cando est buddende ghetare s'impastu cun un'imbudu
de lama partende dae intro e zirende a ispirale finas a amuntare totu
su frissiolu. Cando sa catta est frissa bene azùnghere a subra unu
bellu pagu de tzùcaru.
Sas catas si preferint cardas, appena fatas,
ma si podent mandigare finas frittas o iscardidas, in antis a su fogu o
in su furru.
Tilicas
Pro sa pasta
1 kg de sìmula
250 g. de ozu porchinu
1/2 l. de aba tèbia
sale.
Comente di preparat sa pasta: Pònnere
sa sìmula a cùmbulu in unu tianu e azùnghere s'ozu
porchinu, una pizigada de sale, s'aba a
bellu a bellu e cumassare bene, finas a cando non s'at unu
cumpostu bellu lìsiu.
Pro su pistiddu
1 kg. de mele
gr. 200 de mèndula durche mòlida
gr. 150 de sìmula
1/2 l. de aba
cortza de arantzu mòlida.
Comente si fàghede su pistiddu:
còghere su mele dae chimbe a deghe minutos, azunghende s'aba, sas
mèndulas e unu bellu pagu de cortza de arantzu. Lassare in su fogu pro
àteros deghe minutos azunghende sa farina a bellu a bellu. Còghere galu
totu su cumpostu finas a cando zirende.lu si nd'istàcat dae sa padedda.
Protzedimentu: Bisòngiat
a iscarassare galu totu sa pasta e a la tirare cun su canneddu
finas a cando non est bene infinigada. Cun sa rodànsia segare
s'isfòglia a bìculos longos e retangolares. Como, subra
onni bìculu pònere unu longu de pistiddu. Serrare
sa pasta lassende aberta sa
parte in artu e dare sa forma chi si cheret: a ferru de caddu, a frore,
ecc. Còghere in su furru a 180°C° pro 10-15
minutos.
Una fia cottas, pro las
fàghere prus bellas e coloradas, est mègius a li
pònnere a subra unu pagu de trazea.
Papassinos
3 kg. de farina 00
750 ml. de late
750 g. de tzùcaru
750 g. de ozu porchinu
2 bustinas de madrighe pro durches
1 bustina de tzùcaru vanigliadu
12 ovos.
In sa cuantidade chi si cheret, ma a su nessi, in pesu, sa metade de sa farina:
pabassa
cortza de arantzu
nughes ispuligadas e segadas
mèndulas durches ispuligadas e segadas
sèmenes de fenugru.
Traballare
su tzùcaru con sos ovos e azùnghere s'ozu porchinu chi
aìamus giai iscazadu cun su late tèbiu e sas bustinas.
Pònere sa farina a pagu a pagu e totu su chiu (pabassa, cortza,
nughe, etc.). Lassare pasare pro belle binti minutos.
In una mesa de linna
bisòngiat a leare s'impastu a pagu a pagu e a li dare una forma
allonghiada. Cun su leputzu infarinadu, segare a bìculos
romboidales non tropu mannos e pònnere in una tèlia,
finas a cando no est prena. Còghere in su furru cardu a
220C° pro una bintina de minutos.
Cando sos papassinos sunt fritos, si si cheret los si podent amuntare de capa bianca e decorare cun unu pagu de trazea colorada.
Tureddos
1 l. de saba ( de figu morisca o de binu cottu)
1/4 de aba
300 g. de mèndula durche mòlida
200 g. de pabassa
2 cortzas de arantzu
80 g. de madrighe
zichi (cantu bastat)
Pònnere sa saba in unu labiolu de ràmene cun s'aba,sa
mèndula mòlida e sa cortza de arantzu; lassare
còghere finas a buddire (comente si faghet pro su pistiddu).
Cando sa saba est fritta, impastare cun su zichi e sa madrighe
finas a cando s'impastu non essit bellu lìsiu. Azùnghere
sa pabassa e carchi mèndula segada prus a mannu. Lassare pasare
una paia de oras.
Dividere s'impastu in tantos bìculos tundos (non mannos meda) e
li fagher unu bucu in mesu; istèrrere sos tureddos in una
canistedda e ispruerare de zichi. Lassare pasare pro 9 dies; a pustis
còghere in su furru cardu a 160°C pro 15 minutos.
Lassare infritare.
200 g. de mèndula rànchida
100 g. de mèndula durche
600 g. de tzùcaru
3 arbos
2 limones
2 punzos de sìmula russa.
Impastare totu paris e
azùnghere sa sìmula a bellu a bellu. Mischiare bene e
fàghere sas pallinas. Pònnere in una tèlia e
infurrare a °C pro minutos.
torra a sa prima pàgina