S'istoria.



Fiat su mese de Santu Gaini de su 1994 canno una bindichina de zovanos, pustis de esser ghiratos dae unu campu iscola fatu in s'Annossata si sunt abitzados de una cosa: sa missa issoro, sa Missa Matzore si fiat mutata in unu mortogliu, non b'aiat catzones, non b'aiat partecipatzione insomma sa cosa fiat andende male.
Annanghi te bi chi custos pitzinnos aiant connotu in s'annossata un sotziu de nugoresos chi biviant sa musica in una manera particulare, chiterras in manos e semper cantende.
B'at chčrfitu unu sapadu ch'est unu de prova e a s'ispessata su sonu de s'armoniu s'est torradu a intenner in sa creia de Santu Iorgi.
Fiat nāschidu su Coro "Don Giovannino Succu".
A sa prima su coro est nāschidu comente grupu de sos zōvanos de s'Atzione catolica, e petzi pustis oto annos at detzisu de si ponner unu nųmen, e non b'aiat issčperu menzus si non de "pesare" unu prėteru chi galu como in sa bidda nostra ammentamus meta: su biatu de Don Giovannino Succu, forsis si aberu isse no aiat prantatu su chi at prantatu canno fiat inoghe, su coro non si fiat acatatu, e pro custu sa paessone chi prus sentiamus de ammentare chin sas boghes nostras est isse.
Dae canno est cantende su coro at semper collaboratu chin sa probania de Bitzi e chin sa creia de Goreai siet pro su Sarvatore e pro Su Merāculu.
E gai matessi in Bitzi in uve s'est impegnatu in sas festas mannas che a Santu Jorgi, S'Annossata, Pasca, Natale. ammentamus chin piaghere sas cosa fatas paris chin "Oches de s'Annossata" in sos tantos cuntzertos de Natale e in sa Chita Santa.
Un 'ātera cosa chi nos piaghet a ammentare est s'ammentu de Batore Carzedda, priteru bitzichesu martire, n'amus ammentatu sos deche annos in su 2002, e su cantu: Nel suo nome est su donu chi amus chčrfitu fagher nois pro una pessone chi est bantu pro totu su munnu de sos cristianos.
In su coro, dae canno s'acatat, b'at cantatu meta zente, a chie si nch'est dčvitu annare pro istųdiu o traballu, a chie si nch'est chčrfitu essire ca non bi li piaghiat prus, macari gai in su coro b'at colatu unas chentu pessones, non potimus ammentare totu sos nųmenes ma unu fingraziamentu particulare li tocat a Franca e Patrizia Sanna, a Valeri Carzedda e a totus sos de sa leva de s'ottanta.
Chin issos amus cuminzatu custu caminu, forsis non bi crediat neune, mancu issos, chi su coro, colatos doichi annos, fiat istadu galu cantende chin sa matessi gana de canno est nāschidu.
Pustis de unu mamentu de crisi chi b'at āpitu in su 2000-2001, non pro nudda s'annu chi sa leva de s'ottanta est bessida dae Bitzi pro annare a istudiare, su coro pariat mortu, totu terminatu, e puru gratzias a un ātera leva manna, sa de s'ottantachimbe, su coro est a beru torratu a naschire, at cuminzatu, ca prima non si ne achiat, a fagher un istudiu de sas partes vocales e in custu periodu s'est fata sa prima missa totu de su coro, sa missa "Nel suo nome" sa zente non cantaiat prus cataunu a contu suo, totu ischiant su chi deviant fagher, b'at chčrfitu oto annos e una gherra manna, ma ih su duamiza e duos si potet faeddare a beru de coro"Don Giovannino Succu".
B'at colatu un annu e est nāschida sa Missa in Sardu presentata in sa missa in Puddu De su duamiza e tres. Dae custu mamentu cuminzat su caminu de su coro in sa chirca de sa limba de s'anima, sa produtzione in sardu at a esser semper prus manna.
Non si l'aspetaiat neune ma canno amus intonatu Cantat su coro, est istatu un āteru passu importante meta: amus mustratu chi nois puru potimus cantare in sardu, che ne pretesas de facher chircas o de chircare orėgines o culturas cuatas, cantamus in sardu ca su sardu est sa limba nostra.
Unu tempus particulare pro su coro, mi piaghet a ammentare petzi tres pessones de custu mamentu.
S'ant a ammentare sas provas de sas partes issoro finas un ora in antis de su restu, pro issos fiat difitzile, ma ant cambiatu s'istoria de su coro , Dineddu, Aldo e Maurinnassu, bi sunt galu macari non sient fissos ca sa vita at isseperatu pro issos, ma canno bi sunt est totu un ātera cosa. E
paris chin issos totu sa leva de s'ottantachimbe, chin custa leva una cosa chi pariat annata male est torrata a naschire.
E puru, donzi cosa chi paret andende bene terminat, 2004: āteru mamentu metzanu sos de s'otantachimbe ant picatu sos caminos issoro e custa bia paret terminata a beru, su diretore puru est faghende āteru e sa cosa paret male sestata.
Ma su coro est acogliatu e che a sas āteras bias un ātera leva arrivat a sarvare sa barraca: est sa de tres bias chi torramus a naschire e custa via pro more de una leva chi ammentat meta meta sa chi at fatu naschire su coro: sa leva de su novantunu.
In su mese de natale de su 2004 unu coro fatu dae trintachimbe pessones cantat sa missa in Puddu. est sa de tres bias chi semus naschitos, chin s'ispera de non morrer prus............
De totu sa leva de su novantunu non s'ofennat neune si aco unu numen pro totu: Marieddu Sanna, marcate bos lu ca n'azes a intenner faeddande meta.