Su territòriu


Su territòriu cumprendet bellesas naturales bìrghines.
Sos padentes de suerzu mustrant sas isculturas granìticas tzocadas dae su bentu.
Litos est unu buscu a macra mediterrànea in ue sos lagheddos prenos de ninfeas s’amisturant cun sos colores de su lidone, de sa murta, de sa tuvera, de su golostiu, de sa chessa, de su ghiniperu e de sa tiria.
Sos mugrones, sos sirbones, sos matzones, sas cràpolas e sos lèpores atzapant inoghe s’habitat issoro.
Su Monte Tepilora, de forma triangulare, si pesat in su fundale netu de su chelu e in sas puntas agrestes suas bi nidant puzones de onzi bariedade. Intre custos, faghet figura manna s’àbile reale.
Dae su 2005, cun unu decretu de sa zunta rezionale su territòriu de Tepilora est istadu decraradu Parcu Rezionale e deretu at a cumintzare sa balorizatzione chin creatzione de àndalas pro su treking, pro sas birtzicretas e pro sos caddos.