Bitzi


Bitzi est una bidda a 549 m de artària e at 3.700 abitantes.
Est sa bidda prus importante de sa Barbaza setentrionale, tantu chi in tempos prus anticos sa zona beniat mutida Barbazia de Bitzi.
Est a 38 km dae Nùgoro e su territòriu suo est a làcana cun sa provìntzia de Tàtari.
Su tzentru, dispostu a forma de anfiteatru, est postu intro de una badde inghiriada dae sa roca de Sant’Elia, dae Monte Bannitu e dae Bonu Caminu. Custos montes cuant sa bidda dae tres puntos cardinales, dandeli una positzione particulare in mesu a su birde de sa pineta.
Sa bidda s’est isvilupada a furriu de unu nùcleu istòricu in ue b’est galu oe sa turre e sa crèsia de Santu Zorzi.
Carchi bighinadu mantenet fraigos antigos de pedra, sìmbulu de una tziviltade passada ligada a su bisonzu e a sos frutos de s’economia agro-pastorale. Galu oe s’allevamentu est s’atividade econòmica printzipale.
Tzentru agro-pastorale importante e riferimentu traditzionale pro s’economia de su late e de su casu, de totu sa cussorja. Bitzi possedet unu patrimòniu ovinu mannu meda, ispartu in mesu de sos padentes incantados de suerzu e de èliches de su comunale suo.