Si narat vinificatzione  su protzedimentu   pro  mudare su mustiu in binu.
Sa vinificatzione podet èssere in ruju, in biancu o in rosadu.

• Vinificatzione in ruju   est sa chi si faghet dassende sa binàtza paris cun su binu. Si devet prènnere su istergiu petzi a 3/4. Si devet chircare de fàghere cumintzare sa fermentatzione deretu. Pro 5 dies si faghent rimontàgios e isfolladuras. Tando s'isbinat. Sa binatza si podet bèndere o impreare pro fàghere abbardente

• Vinificatzione in biancu   est  sa chi si faghet sena sas  binatzas e a temperadura bassa. Cando agabat sa fermentatzione tocat de  iscrarire su binu.  Custu binu bisòngiat de lu cunservare sena chi bidat sa lughe e s'àera  e  tocat  de  lu  solfitare  e de lu pònnere in logos friscos.

• Vinificatzione in rosadu assimìgiat a cussa fata pro su binu biancu. S' isetat de otènnere su colore disìgiadu e a pustis de 4 o 5 rimontàgios s'isbinat, si supressat e si mandat  a fermentare a  parte chirchende de lu poderare a 20 °.Si dassat fermentare e si torrat a isbinare un'àtera bia.