|
Su Nuragus
Intre sos binos biancos de Sardigna, su Nuragus est de seguru su chi si produit de prus. Sa coltivatzione de custa bide est cuntzentrada mescamente in sas provìntzias de Casteddu e de Aristanis. Non s'ischit bene cale siat s'orìzine sua, a su puntu chi faghet pensare chi siat autòctona, nàschida dae carchi sèmene a curtzu a carchi nuraghe. In logos medas de s'ìsula custa ua est cramada comunemente "burda". Est difùndida meda ca est agreste e est resistente a medas maladias critogàmicas, s'addatat bene a ogni casta de terrinu e dat produtziones bundantes. |
 |
Su binu nuragus prus
cualificadu agradat meda comente aperitivu e pro acumpangiare su
pische. In custos annos colados est istadu impreadu pro fagher binos
cun base ispumante "brut" e "demi-sec" (binnennende·la in
antis
chi sa ua esseret cota de su totu). At tentu sa DOC zai dae su 1975 pro
more de sas caraterìsticas de sa calidade sua.
|
|