 |
Malvasia,
Nascu e
Muscadellu |
| Custos
tres binos
caraterizant sa produtzione sarda de sos binos de fine de
pastu e
rapresentant tres pèrelas
de s'enologia isulana. Sa bide de Malvasia cultivada in Sardigna est
tipicamente locale e finas diferente meda dae sas àteras
Malvasias italianas. Sa cultivatzione de custa bide est cuntzentrada in
sas duas zonas tìpicas de produtzione, sa de sa
provìntzia de Nùgoro in sos terrinos chi sunt
cara a
mare, in su cantu otzidentale de s'ìsula, cun sa
Denominatzione
de Orìgine
Controllada de Malvasia de Bosa, e sa de sa
provìntzia de
Casteddu, in sos terrinos chi sunt a sud-est de sa tzitade de Casteddu,
cun sa denominatzione de Malvasia de Casteddu. Dae pagu tempus custas
castas de àghina, binnennadas a in antis de
èssere cotas,
cuncurrent a fàghere unu binu ispumante chi tenet unu
nuscu dìligu e unu sabore durche. |
 |
 |
Su
Nascu est forsis
s'ùnica bide autòctona de sa Sardigna, ma sa
produtzione
sua est limitada a beru e abarrat cuntzentrada mescamente in sos
terrinos calcàreos postos in su sud de sa
provìntzia de
Casteddu. Su binu Muscadellu, contrariamente a su Nascu, lu cultivant
in
belle totu s'ìsula: de custu, difatis est
possìbile
distìnghere tres Denominatziones Controlladas,
Muscadellu de
Casteddu, Muscadellu de Sorso-Sennori e Muscadellu de
Sardigna. Sos primos
duos si reconnoschent dae su gradu alcòlicu artu meda e dae
una
pertzentuale de tzùcaru su matessi arta; imbetzes su de tres
est
ispumantizadu e tenet unu gustu durche meda, comente est giustu chi
siat pro unu Muscadellu de calidade bona a beru.
|
|