Sa
cultivatzione
Sa matèria prima pro sa produtzione de su binu est s'àghina. S'àghina est fata a pudrones chi si cumponent de su tenàghe e de sos pubiones chi podent tènnere dae 0 a 4 sèmenes. Sa bide chi si cultivat pro fagher àghina de binu si narat Vitis vinifera sativa. A segunda de sas variedades cultivadas, de su sistema ,de sa zona de cultivatzione e de su clima s'ant a tènnere diferentes calidades de àghina.
Sa bìngia tocat a l'atèndere totu s'annu pro garantire chi fagat àghina bona e chi duret in sos annos. Sas curas chi li bisòngiant sunt:
Santugaine/ Santandria / Ghennàrgiu
- INSERRIDURA Custos sunt sos meses addatos pro insèrrere sa bìngia, operatzione chi est mègius a fàghere cando est faghende sa luna.
- PUDADURA A pustis de chi sunt rutas sas fògias dae su fundu de sa sarmenta, cun sas serros de pudare si nche segant sas pèrtias prus lègias pro favorire cussas prus deretas o prus addatas a sa forma chi si cheret dare a sa bide. Est mègius a lu fàghere cando est creschende sa luna.
- ISCARTZADURA Cun unu tratore s'arat sa bìngia pro sa primu bia. S'aràdu de su tratore colende nche moet sa terra dae su fundu de sa sarmenta pro permìtere a sa bide de collire mègius s'abba. Si bi sunt raighinas in superfìtzie si nche segant.
- ISMARMADURA Cando inchimat si nche segant totu sas chimas chi sunt crèschidas in foras de sas pèrtias sarvadas dae sa pudadura.
- PRIMA MEIGADURA In custu mese si podet finas cumintzare a meigare si b'est sa pesta niedda.
- ISMERMELLADURA Pagu tempus in antis de frorire s'ismermellat (si nche catzant sas chimas chi creschent intre sa fògia e su truncu)
- LIGARE Cun filos de ràfia s'acàpiant sos cambos chi sunt istèrridos pro los sarvare dae su bentu e pro permìntere a su tratore de colare intre sos ordines.
- SEGUNDA MEIGADURA (Si servit si colat cun su sùrfaru)
- ARADURA A pustis chi s'acàpiat sa bìngia si devet torrare a colare cun su tratore. Cun sa segunda aradura s'aràdulu girat sa terra e la torrat a pònneresubra de sos fundos de sarmenta.
- ISPUNTARE Cando su fundu at finidu de crèschere s'ispuntat
- BINNENNA
