Sa bide prus antiga de s'Ìsula diat dever essere su Nuragus chi diat essere de s'època fenìtzia. Sos bizantinos, in càmbiu, nos diant aer batidu sa bide de sa Malvasia, e de sa Vernaccia si nde faeddat in sa Carta de Logu. Pro su Carignanu esitent duas tesis: una narat chi nde l'ant introduidu sos Fenìtzios o sos Cartaginesos; s'àtera narat chi siat de provenièntzia ibèrica. Semper dae sa penìsula iberica diant essere arribados su Cannonau, su Girò, su Nascu e su Torbadu; sos moros diant aer batidu sa Mònica; sos Ligures, in su sèculu XVI, su Vermentinu; sos romanos, durante sa denominatzione issoro, su Muscadellu.