BIDDAMANNA STRISAILI




UNA BIDDA BELLA MEDA ABITADA DAE ZENTE OSPITALE: BENIDE A NOS BISITARE

Biddamanna Strisaili est comente a una reina sètzida subra de una badde cun una corona de montes in conca: Monte Isadalu, Monte Suana, Monte Orguda, Monte Arzana.
Est una bidda montana posta in sa parte tzentru-orientale de sa Sardinna. S'agatat a un'artària de pagu prus o mancu 700 metros slm , ma est a curtzu finas a su mare: 22 chiḷmetros ebia dae sas marinas de Orŕ. Ruet in sa zurisditzione provintziale de s'Ozastra e tenet unu terriṭriu de pagu prus o mancu 211 chiḷmetros cuadros. A nord est a làcana cun Org̣solo e Talana, a est cun Lotzorai, Girasole e Tortuelie, a sud cun Artzana e a ovest cun Dèsulo e Fonne.
In su 2005 contaiat 3580 abitantes; 800 istant in sa fratzione de Biddanoa chi est a 7 chiḷmetros dae sa Comuna.
Biddamanna est rica de padentes umbrosos e benas de aba frisca e bona. A petzi tres chiḷmentros dae s'abitadu b'at unu padente de èlighes seculares, Santa Arbara, cun funtanas e mesas in preda e una cresiedda intitulada a sa santa. Àteras bellesas paesaźsticas de bisitare cando si colat in Biddamanna sunt su lagu Alto Flumendosa, chi s'agatat a prus pagu de duos chiḷmetros dae Biddanoa chi leat belle 64 milliones de metros cubos de aba; su tèmpiu nuraghesu "S'arcu 'e is forros", unu repertu de importu mannu pro sos espertos de archeolozia; sos repertos archeoḷzicos de "Pràidas"; su percursu eco-paesaźsticu de "Erba Frisca".
A chie cheret fagher finas unu biazu gastroṇmicu in custu cantzu de Sardinna, sa bidda ofrit nuscos e sabores ùnicos: tenet sas produtziones t́picas de totu s'́sula comente su "pistoccu" (unu pane chi s'aṃddigat cun s'aba); s'arrostu de porcheddu, berveghe e craba; màndigos traditzionales de s'Ozastra che sos "culurgiones" e finas màndigos chi si faghent petzi in sa bidda, che "is gàthulis" (aneddos de patata e casu, cotos in s'ozu e servidos cun mele o olias). De gabale mannu sunt finas àteros produtos gastroṇmicos, comente su casu, fatu galu a s'antiga, dae sos pastores e su presutzu.
Ocasiones pro gustare totu custas cosas sunt, mescamente in istade, sas sagras (de sos gathulis e de sa berbeghe cota a orrostu) in austu, sas festas patronales de santu Asile (in Biddanoa sa de tres doḿnigas de su mese de làmpadas), de santa Arbara (in Biddamanna sa de duas doḿnigas de su mese e tŕulas) e de santu Crabiele (in Biddamanna sa prima die de austu).