Costùmene de fèmina de Fonne:


Sos costùmenes de sas fèminas fonnesas sunt duos: cussu numenadu "de brathallu" e su "vardellinu".
Sas fèminas chi bestint su costùmene de brathallu in conca si ponent sa capithola, unu mucadore de tela greza;  a subra de custu b'at s'iscufia. Sa mussola est una benda de lino chi inghiriat su bisu. Sa ammisa,  camisa de lino biancu cun in dae in antis su petu, est serrada dae sos butones de prata. Su bustu, numenadu s'imbustu, de seda ricamada tenet in dae in antis sas pettorras, duos triàngulos. In palas si ponet su cippone, una giachedda de pannu ruju cun un òrulu  de belludu in colore de cafè recamadu cun frores (ghettados). Sas manicas sunt abbellidas cun sas uvideras, nastros de seda niedda a frores. Sa gunnedda, veste, de colore ruju in chitzu , a pustis de seda in colore de chelu e in fines de pannu ruju coberit una suta gunnedda, s'istade. A subra de sa veste b'at su saucciu, unu grembiale de pannu ruju.

In su costùmene "vardellinu" si notat su mucadore, unu mucadore de seda in colore de cafè o niedda; sa camisa est sa matessi de s'àteru costùmene. Su bustu, s'imbustu, tenet aunadas in unu cantzu ùnicu. palas e pettorrasSu cipponeest de belludu picau nieddu, sas mànicas tenent decoratziones. Sa gunnedda, vardellinu, est de pannu in colore de cafè cun unu òrulu de rau o belludu cun ricamos de oro. A subra de sa gunnedda b'at su saucciu, su grembiale.