Su costùmene de fèmina de Dèsulo:
In su costùmene de sa fèmina desulesa  si notat in conca su cucuddu, una iscùfia de pannu ruju ricamada cun filos de seda cun colores allegros e cun sos puntos diferentes: is manneddas mannas e piticas, puntu de crughe, traisgeddos (rigas), oisgeddos ( puntu prenu a rombos), s'ischinette, prenidura (puntu prenu), su ricamu, pianellas.
A subra de su cucuddu si ponet su mucadore, unu mucadore in colore de cafè; a bortas imbetzes de su mucadore b'at su cappucciu, unu cuguddu nieddu de seda longu finas a sas palas. La camicia, camisa, est de mussolina bianca e faghet finas de suta gunnedda. Est formada dae s'immustu e su cammisotu, cosidos intre issos. Su ciugu, su trugu de sa camisa, est ricamadu. Sa camisa tenet mànigas largas. Su bustu, is palettas, de seda o de pannu ruju,est ricamadu; sa giachedda si narat cippone e tenet sas mànigas abertas. Sa gunnedda, camisedda, est de uresi ruju in sa parte  subra numenada sa  tela e de pannu ruju in sa parte in bassu numenada sa farradura. A subra de sa gunnedda si bestit una grembiale numenadu saucciu.