Costùmene de fèmina de Ittiri:
Su costùmene de fèmina est ricu de filos de oro, ricamadu cun prendas minores. Intre sas prendas lughent sos butones de oro chi serrant su collette de sa camisa e sos binti butones chi pendent dae sas mànigas de sa giacchedda. In su bestire de isposa lughet su bustu de broccadu in colore de rosa imbetzes sa camisa bianca est coberta dae s'isceppa, unu belu de tulle chi coberit sas palas. Sa gunnedda càmbiat colore sigundu chie la bestit: ruja pro sa fèmina rica e niedda pro sa massaja.