Preservada dae contaminatziones esternas, gràtzias a s’insularidade chi nd’at protetu sos caràteres peculiares, s’artesania de sa Sardigna, cunserbat s’originalidade de sas raighinas antigas suas, sa semplitzidade a s’impreu suo de cada die, sa personalidade  manna de s’ogetu de arte. Nàschida pro rispòndere a sas esigèntzias de una sotziedade cun un’economia de massajos e pastores, issa at ischidu nobilitare, in su tempus, sas resones funtzionales a sos bisòngios estèticos  de sa comunidade locale e regionale.