Sa cofineria

Oe su setore est rapresentadu belle de su totu dae sas canisteddas, finas si b’at unos cantos artesanos chi faghent istojas e palos pro cungiare. Custa atividade fiat fata mescamente a livellu familiare pro realizare una sèrie de cuntenidores, cadaunu diferente pro forma e dimensione cunforma a s’impreu chi si nche deviat fàghere.

Manufatos tìpicos 

Sas canisteddas tìpicas las podimus partzire in duos grupos: sas primas, rùsticas e de trabballu, fiant fatas das sos òmines (mescamente massajos e pastores) e impreadas pro sas atividades de regorta e pisca; sas àteras, fatas dae sas fèminas, fiant impreadas in àmbitu domèsticu. Custas ùrtimas fiant irrichidas cun decoratziones ligadas a su desìgiu de sa fèmina sarda de fàghere un’ogetu ùtile e capassu, in su matessi tempus, de dare colore a sa domo. Oe custos manufatos tenent una funtzione belle de su totu decorativa.

 Matèrias e tècnicas

Sas matèrias primas impreadas càmbiant cunforma a sa zona, ca sunt regortas in sos sartos o in sas paules a inghìriu: si tratat de fibras de juncu, parma nana, iscarea, chessa, sàlighe, pàgia e fenu. In Casteddusardu sunt impitadas sa rafia, su juncu e sa parma nana; in Tinurra, Flussiu, Montresta e Ollolai, s’iscarea; in Santu Vero Milis e in Otana, su juncu e sas erbas de paule; in Sinnai sa pàgia e su juncu. Est imbetzes difùndidu in totu sas zonas de Sardigna sa canistedda in vìmini otènnidu dae su sàlighe, chessa, canna. 

Elementos decorativos

Sunt su bonu motivos geomètricos (iscachiera, chircos geomètricos, ragiera de triangulos)  ma b'at finas motivos floreales e faunìsticos (pugione, paone,caddu). Sa decoratzione isvilupada in contemporanea cun costrutzione de sa corbula o finas annanta a pustis, s'otenit cun fascas de tonalidade diferente dae su fundu: niedda o colorada in Casteddusardu o San Vero Milis, cun cotone ruju o nieddu in Sinnai. 

Sos colores

Sos colores a su cumintzu fiant limitados a sas variantes cromàticas naturales de sa matèria prima, francu in sas produtziones de su Campidanu  chi mustraiant tonalidades diferentes dadas dae s'annanta de istofas o de brocadu cun colores allutos postos in  su fundu de sa còrbula. dae sos annos '50 una gamma de colores prus ampra est inserida pro rispondere mègius a su gustu modernu.